أزاى لو عندك أكل وباظ تحاولى تعالجى الموقف

المشكلة الاولى : المكرونة لزقت
-------------------------------
ساعات كتير أوى لما تيجى تسلقى المكرونة تلاقيها لزقت مع بعضها أو فى الحلة اللى بتسلقى فيها وعلشان ما تتعرضيش لمشكلة زى دى تانى حطى نصف كوب زيت وملعقة ملح فى الماءاللى هتسلقى فيها المكرونة وماتحطيش المكرونه إلا لما الميه تغلى كويس 00
وبعد ماتتسلق اغسليها وسبيها فى المصفة علشان تتصفى وتضفى لها بعد كدة ملعقتين زيت وتقلبى بيها المكرونة ودا علشان المكرونه ما تلزقش مع بعضها00
_ المشـــــــــــــكلة الثانــــــــــــــــية:سلطة الخضروات طعمها مش حلو
--------------------------------------------
ممكن تعملى طبق سلطة وتسبية لمدة نصف ساعة لغاية ميعاد الاكل ولما تيجى تأكلى تحسى ان السلطة طعمها متغير زى ما يكون حامض أو الخضروات دبلانة فى الطبق00
وعلشان تتجنبى المشكلة دى يبقى ياريت ما تضعيش الملح أو الليمون على السلطة إلا وقت الاكل علشان ما يخليش السلطة تكون دبلانة وتفقد قيمتها00 ولو عملتى السلطة قبل ميعاد الاكل ضعية فى الثلاجة من غير الملح والليمون
- المشــكلة الـثـالـثـة البيض طلع فاسد
-------------------------------------
من الحاجات اللى ممكن تقابلك وانتى فى المطبخ وتكونى مش عارفة تعملى ايه هو انك تلاقى البيض وانتى بتكسرية وتحطية على اى حاجة بتعمليها طلع فاسد فى الحالة دى بتلاقى نفسك مضطرة ترمى كل المقادير وتبدأى من الاول وجديد
وعلشان تتخلصى من المشكلة دى يبقى ياريت تكسرى البيض الاول فى طبق على جنب ولو طلع حلو يبقى ضعية على باقى المقادير اللى عندك ولو فاسد انتى عارفة طبعا اكيد هترميه0
ولو هتستخدمى البيض فى عمل أكل حادق حطى عليه رشة ملح ورشة فلفل اسود ولو هتستخدمية فى عمل الحلو ضعى عليه رشة فانيليا علشان يضيع رائحة البيضويطلع معاكى الاكل طعمة حلو زى ما انتى عايزة
- المشــــكلة الرابــــــــعة: البطاطس مش مقرمشة :
--------------------------------------------------
أوقات كتيرة بعد ما تقلى البطاطس وتطلعيها من الزيت تلاقيها طرية
وعلشان تتخلصى من المشكلة دى وتحصلى على بطاطس مقرمشة 0 بعد ما تقشرة البطاطس وتغسليها وتقطعيها تنقعيها فى ميه فيها ملعقتين ملح وملعقتين خل واتركيهم لمدة ساعة وبعد كدة اقليها فى الزيت بس لازم تخلى الزيت فى الاول يسخن كويس على النار لانك لو قليتى البطاطس فى زيت غير ساخن هتمتص الزيت وهتطلع طرية0
وممكن تحمريها نصف تحمير وتضعيها فى كيس بلاستك وتوضع فى الفريزر لوقت استخدمها تطلع على الزيت للتحمير الاخير ودى طريقة زى البطاطس اللى فى المطاعم المقرمشة
- المشـــكلة الخــــامســة : عفن الخبز
---------------------------------------
من المشاكل اللى ممكن تقابلك وخصوصا فى الحر الشديد لو فى المطبخ-- وعلشان تتخلصى من المشكلة دى اول ما تجيبى العيش حطية فى اكياس فى الفريزر وبكدة ممكن يقعد معاكى العيش وقت طويل ووقت ما تحتاجية تطلعى منه على قد استخدامك قبل الاكل بربع ساعة وبيكون كأنك لسه جايباه طازة
- المـشـــــكلة الســـادســــة : الفراخ أو اللحمة لزقت وانتى بتحمريها
---------------------------------
أوقات بتلاقى الفراخ أو اللحمة أو السمك وانتى بتحمرية لزق فى طاسة التحمير وعلشان تتغلبى على المشكلة دى سخنى الزيت أو السمنه كويس على النار علشان لما تضعى اى حاجة تحمر بسرعة وما تلزقش الطبقة السفليه فى المكان
- المشـــكلة الســـــابـعــة : الليمون الناشف
-------------------------------------
ساعات بتكونى حاطة ليمون فى الثلاجة وعارفة انه كويس بس لما تيجى تستخدمية تلاقية ناشف ومافيهوش ميه كتير فى الوقت دا تجيبى الليمون اللى عندك وتحطية فى كوباية ميه دافية لمدة خمس دقائق وبعد كدة اطغطى بايدك عليه هيرجع ذى الاول طازج
- المشـــكـلة الثامنه : السمنه أو الزبدة لها رائحة غير محببة
-------------------------------------------------
لو حاسة ان السمنة أو الزبدة ليها رائحة مش كويسة يبقى أكيد تركتيها مفتوحة داخل الثلاجة او المكان اللى انتى حطاها فيه ودا علشان الاوكسجين اللى فى الهواء بيتحد مع الدهون المكشوفة ويترتب عليها الرائحة غير المحببة ودا لايجب استعمالها تستغنى عنها وتشترى غيرها وتخلى بالك انك تقفليها كويس بالغطاء المخصص لها
- المشـــكـلة التــاســـعة طعم التوابل طلع كتير فى الاكل
-----------------------------------------------------
لو حاسة انك كترتى من التوابل فى الاكل 0 فى الحالة دى هاتى ملعقة لبن وضفيها الى الاكل وهى هتخلصك من أى طعم زيادة للتوابل
المشـــــكلة العاشـــــــــــرة : طبق الحلو ما طلعش حلو
----------------------------------------------------
بعد الواقفة طول النهار فى المطبخ علشان تعملى طبق حلو يطلع فى الاخر طعمة مش حلو خالص انتى طبعا ممكن تكونى مش عارفة السبب وهو ممكن يكون البيكنج بودر اللى استخدمتسة مدة صلاحيتة منتهية أو اتعرض لرطوبه وفقد مفعوله
وعلشان تتغلبى على المشكلة دى ياريت تعملى اختبار للبيكنج بودر قبل ما تستخدمية والاختبار بيكون بأنك تضيفى شوية من كيس البيكنج بودر الى كوب به ماء لو حدث فوران يبقى صالح وتقدرى تستخدمية وانت مطمنه0

يللا شوفوا شغلكوا يا بنات

منقوووووووووووول

والله طرق كتير حلوة وسهلة
بس انا الحمد الله ما بادخل المطبخ فبالتالي مش حاستخدمها
هههههههههههههه
يسلمووو دندون

لا يا نسمة لازم تتعلمي تدخلي المطبخ علشان تعلميني انا كمان وتطلعيني من الورطة

مشكورين اخواتي عالمرور وان شاالله تكونوا استفدتوا

وبعدين تعالي هان يا نسمة بدك توديني في داهية انا بدي اعتمد عليكي بدك تخربي الدنيا
خلاص خليكي صافة معاي في الطابور لما نلاقي طباخة ماهرة تطوع وتعلمنا

يبنتي خلي عندك شوية تفاؤل ان شاالله نصعب على حد

هههههههههه